Une zornade tant che vuê, ma 79 agns indaûr, mê none Livia a scomençave a sintî lis contrazions.
Il Cjistiel di Breçà al jere distes tant che al è cumò, ma la gnot di Nadâl e vignive jù simpri la nêf.
La comari si scugnive di lâ a cirîle a Sante Margherite. E Uria Baschera al à decidût a un punt di lâ, parcè che e jere cussì tante nêf, che al sarès stât dificil di movisi ator. So fradi Manlio al disè di compagnâlu. Ma n'd'jere cussì tante tante nêf che cuant che a son tornâts, Lino Silvano al jere bielzà rivât!. Cetantis voltis mi soi insumiât di podê cjalâ di scuindon ce che al sucedeve chê gnot cuant che gno pari al vignive a chest mont. Cemût mi plasarès viodi chê tiere cula nêf intune sere come cheste!
Un timp indaûr o ai viodût lis fotografiis che Flavia Facchin, di Murûs e à fat al cjistiel, e i dintors, e mi figuri che chel che a viodevin planc planc si cjaminave tor Santa Margherite al sarès stât une visiôn tant che in cheste fotografie.Us lassi un link par podê viodi des altris fotografiis di Flavia Facchin.  Bon Nadâl a ducj! E stant che no podeve jessi intune altre maniere, parcè che cussì di "agnul" tu tu jeris, tu vevis di nassi inte stese gnot che al nasè il Signôr! Dulà che tu seis, la tal infinît papà: Augurons di bon complean!!! Si viodarìn une altre volte e o podarìn tabaiâ par furlan...  Pecjat che no mi soi inacuart che al jere cussì facil ccant che tu tu jeris culì ancjemò...

Chê fotografìe che o volevi savê

Publicât pe prime volte DOMENICA, 11 LUGLIO 2010

Chê fotografìe che o volevi savê
Te mê pagjine, o disevi di no cognossi cui a jerin cui miei in cheste foto. Dopo che o ai fat chê pagjine, o ai vût la fortune di cognossi Roberto Liva, gracie a Fabián Baschera (gno cusin cui al vîf culì a Buenos Aires, nevôt di mio barbe Manlio - fradi di gno nono-)
Roberto al jere cui - cuant che al jere frût- mandave lis letaris che sô none Liugia Baschera e scriveve a barbe Manlio.
Tal an 2005, Roberto al è vignût in Argjentine, e nol à volût mancjà a cirì ce che al jere stât di chê famee a Buenos Aires. Cussì, cun la direzion che al saveve di cuant che al mandave lis letaris, si è fat viodi inte cjase di gno cusin Fabian. Roberto al è vignût te epoche di feriis, e in chel moment no ai podût cognossilu. Ma il contat al stave fat.
Dopo, tal 2006, no ai podût cjatâlu. Gno cusin Fabiàn nol veve cjatât la direzion in timp.
E stant che o jeri lât in masse pôc timp a Brazzà, no si sin viodûts, ma o sin metûts in contat un an dopo chel gno prin viaç. In Fevrar dal 2009, Roberto al è vignût une altre volte a Buenos Aires, e mi à puartât un regâl une vore biel: L´arbul gjenealogjic dai Baschera. Roberto al à i voi come chei di gno cusin Sandro, che al vîf a Tierra del Fuego. Al samee stran,
Cuant che o soi lât in Friûl a Setembar dal 2009 Roberto mi veve vuardade une sorprese.
E chel miercus 9 di Setembar di 2009, o ai savût cui a jerin ducj in chê foto.
Scomençìn de çampe

				Lino Silvano Bachera	Nello Precisani
Uria Baschera	Giuseppe "Rossi" Liva	Giovanni Precisani	Giuseppe Nonino	Mario Liva	Bruno Baschera
	Luigia Maria Baschera	Anna Noemi Baschera	Livia Fanny Nonino	Lino Liva

I Liva.

La prime sensazion e jere stade chê di cognossisi di dute la vite. Ma chel miercus di sere, o ai viodût pe prime volte barbe Lino "Nino" (fi di Luigia Maria Baschera), agne Maria (sô femine), e Ricardo Liva (fradi di Roberto).

Se o disès dome che nus àn ricevûts une vore amabilmentri, o sarès mancjant di dî dut.

Parcè che chel che si viodeve tai lôr voi, al jere l´amôr di famee. Parcè se par me al è stât un colp, al à di jessi ancje par barbe Lino il tornâ a savê di chei che no si saveve nuie par... sesante agns!!!

Une robe che no dismentarai inte mê vite, e je stade cuant che Lino mi à dit: "jo no ai viodût to pari di cuant che o vevin cuindis agns, ma cumò che ti sint, o torni a scoltâ la so vôs"

Mi à fat viodi cetantis fotografiis de famee, mi à contât cetantis storiis...

O ai dit cetantis voltis, e no lassi di sintî alc di sens di colpe par chest, che se papà al varès vivudis chestis esperiencis che a son scomençadis cun chel viaç a Breçà, lui al sarès ancjemò vîf!!!

Un dai regâls plui biels che la vite mi à dât, al è stât chest incuintri.

No ai podût molâ di telefonâur, almancul une volte al mes, ma a voltis mi somee masse pôc.

Gracionis Roberto! Gracionis barbe Lino, agne Maria, e Ricardo!

 agne María, Roberto e Lino Liva. Mê femine Noemi, gno fi Adrian, e jo.

Luigia María, Maddalena Yolanda (Suora) e Anna Noemi Baschera.

Lino Liva di frut.

barbe Manlio e agne Amelia, intune foto che al veve barbe Lino.

Une curiositât: tal indaûr, Manlio al segne come "Baschiera" al puest di "Baschera".

No jere la prime volte che o sintivi che il gno cognon si diseve cun il "i".

E pardabon no mi lassin!

Publicât pe prime volte, LUNEDÌ, 28 GIUGNO 2010

E pardabon no mi lassin!

Parcè che a mi son capitâts tantis robis che aromai no son casualitâts...
Ti veso capitât cualchi volte, che chê che tu pensavis in prin che e sedi une casualitât, si fos sucedude cuntune altre e daspò une altre, che ae fin tu rivis a pensâ che ’nd’è une altre robe daûr, e no tu sâs ce che e je, ma che no je di sigur “casualitât”?
A son tantis di chestis “casualitâts” che cumò stes mi fasin sgrisulâ.
No vuei stufâti masse. Dome ti conti une.
O savevi intal timp dal gno prin viaç al Cjistiel di Breçà, plui de dissendence de famee Nonino (il nono di papà, de bande di sô mari) che di lôr antenâts; ma dai Baschera no savevi plui di chê che e jere stade di gno nono e un so fradi chi in Argentina, e no savevi nuie su siei vons. Cuant che o ai cognossude Feagne tal 2006, o vevi cognossût il paron dal hotel Baschera. Lui mi veve dit che si visave di vê scoltât di picul, che une part de sô famee e jere emigrade ae Argentina prime dal XX secul, a une province Cordoba, intune cologne. ¡Colonia Caroya! Cul timp, o ai savût che no jerin dai miei parincj a Caroya. Dopo, gracie a tornâ a cjapâ contat cun la mê famee, o ai cognossût un gno cusin Roberto Liva (di Plain) che mi à fat savê di un arbul gjenealogjic fat dal Profesôr Ermes Baschera che al rimonte a Feagne, prin dal 1813!!!

Seben o jeri lât di piçul a Caroya, mi soi inviât a cirî chei altris Baschera, a 750 Km di mê cjase.
No ai cjatât nuje. Ma o ai cjatât int maraveose, jenfri lôr: Claudio Roya, Marta Copetti e Daniel Cargnelutti, gracie a che o vevi fevelât cun María José Bergagna, che in chel timp e faseve lis esplicazions storichis te "Estancia Caroya", (chel musei fat tal puest dulà che a jerin stâts puartâts i prins furlans che a imigrarin a Colonie Caroya in 1878), e stant che o vevi zà fat une pagjine web cun ce che o vevi cjatât in chel prin viaç a Breçà, jê e jere rivade prime di me a Caroya.

Cuant che o soi rivât a Caroya lôr mi àn fat une interviste che a àn metude in onde par "Fuarce Furlans", un program di radio che si mandave in onde ancje par "Onde Furlane".
Daspó di chê volte o vevi mantignût contat cun chê int a traviers dal Skype. Pôcs mês dopo e jere une fieste a Caroya e mi àn invidât. Alore o soi lât tal program di radio sabide buinore e daspô o sin lâts ducj a gustâ a "Macadam" (www.macadam.com.ar). Chê, la mê seconde visite te Colonie e jere coincidint cuntune visite di Sofía Noboa Feliz, de Universitât dal Friûl che e jere lade a fâ la sô tesi de lauree. Chê stese sabide sere, Marta Copetti e stave cirint une direzion par dâi a chê fantate Sofía, jenfri lis letaris di so defont om che e veve vuardadis. Chel che e à cjatât al ê impensbil: dìs agns indaûr, intal sôl viaç al Friûl che e veve fat inziemit a so om, a vevin cognossude tal Fogolâr Furlan di Rome une femine che ur veve lassât un piçul tocut di cjarte cun cinc nons par cirî in Argentina. ¡Dìs agns indaûr!
I nons a jerin chei di Papà, barbe, nono, mê none e mio bisnono!!!
Dìs agns. 750 km. Dôs voltis che o ai viodût Marta ai miei 47 agns. La visite di chê fantate. Casualitât?
I ai scrit a chê femine che e veve dât il tocut di cjarte a Marta, cuant che o jeri tornât a cjase. Daspó di doi mês, il 23 Zenâr (gno complean) o ai ricevût une email. I vevi cjatade dut par câs. Jê no viveve plui a Rome da cinc agns indaûr, ma une amie e vuardà la letare par jê.
E je la fie dal aministradôr che al jere restât a Breçà cuant che i miei a son emigrâts. Nassude ancje li, e veve fat dute la scuele elementâr cun Papà.
Chel stes an o soi tornât tal Friûl. O ai cognossude dute chê part de famee che no mi impensavi, e no dome. O ai cognossude chê altre int che a jerin amîs cu i miei. O ai savût di une siore di 95 agns che e veve fat la camarele cuant gno bisnono al jere il majordom, e e à volût cognossimi. O soi stât te midiesime cjase dulà che al jere nassût papà, cumò residence di une professore di storie che fintine mi à puartât dongje plui materiâl su la mê proprie storie, la siore Mariangela Toppazzini, che par altri mi à regalât di jessi là quindis dîs, te cjase dulâ che al jere nassût gno pari!!!

Casualitâts? Ogni volte che o torni, e o viodi za di lontan la sacume dal Cjistiel di Breçà, si ingrope il gno cûr, e o sai che gno pari al è tal ajar, e nuje al somee plui une cassualitât.